ခရစ်ရှန်ဘုန်းကြီး ဘဟီရာ ၏ သတိပေးချက်
ကိုယ်တော်မြတ် (ဆွလ်လလ်လာဟုအလိုင်ဟိဝစလ်လမ်) သက်တော် ၁၂ နှင့်အရွယ်ရောက်သည့်အခါ(အချို့ သမိုင်းများအဆိုအရ ၁၂ နှစ် ၂ လ ၁၀ ရက်) ဦးလေးတော် အဗူသွာလိဘ် သည် ကုန်သည်အစုတစ်စုနှင့် ဆီးရီးယား သို့အတူလိုက်ပါသွားရန်စီစဉ်ပြီး ကိုယ်တော်မြတ် ကိုပါခေါ်ဆောင်၍ ခရီးထွက်ခဲ့လေတော့သည်။ကုန်သည်အစုသည် ဆီးရီးယားသို့အသွား ဘဆွရဟ် မြို့သို့အရောက် ခေတ္တခဏ နားကြလေသည်။ထိုမြို့၌ ဘဟီရာ မည်သော ခရစ်ရှန် ဘုန်းကြီးတစ်ပါး ရှိလေသည်။ သူသည် ကုန်သည်အစုအား ကြိုဆိုရန်အလို့ငှါ ရောက်ရှိလာခဲ့ ပြီး ခရီးသည်အားလုံးအားဖြတ်ကျော်၍ ကိုယ်တော်မြတ် အနီးသို့ ဆိုက်ဆိုက်မြိုက်မြိုက် ရောက်လာခဲ့သည်။ ကိုယ်တော်မြတ် ၏လက်ကို ဆွဲကိုင်၍ “ဤသူသည် ကမ္ဘာ့ခေါင်းဆောင်တစ်ဦးဖြစ်ပြီး အရှင်မြတ်၏ စေတမန်ပင်၊ ဘုရားသခင်သည် သူ့အား လူသားအားလုံးအတွက် ကရုဏာတော်အဖြစ်စေလွှတ်ခြင်းဖြစ်သည်” ဟုပြောဆိုခဲ့လေသည်။ ထိုအခါ လူအများက အဘယ်ကြောင့်ဤသို့ဆိုရသနည်း ဟုစုံစမ်းမေးမြန်းကြလေသည်။ ဘဟီရာက ………….”သူ (မုဟမ္မဒ်) ဤ ဘက်သို့လာ သည့်အခါက ကျောက်တုံးများနှင့် သစ်ပင်များသည် ကိုင်းညွတ်အရိုအသေပေးကြလေသည်။ စေတမန် တစ်ပါးမှလွဲ၍ အခြားမည်သည့် ဖန်ဆင်းခံကိုမျှ ဤသို့ အရိုအသေမပေးကြ။ ၎င်းပြင် ကျွန်ပ် သည် သူ၏ ပုခုံးနှစ်ဖက်အောက်နားရှိ ပန်းသီးသဏ္ဌာန် စေတမန်ဖြစ်ခြင်း၏တံဆိပ်တော်ကို လည်း သူ၌တွေ့ရသည်။ ဤအကြောင်း ကျွန်ပ်တို့၏ ကျမ်းစာများ၌ပါရှိသည်။” ဟုရှင်းပြ ပြောဆိုခဲ့သည်။
ထို့နောက် ဘဟီရာ သည် ကုန်သည်အစုအား ကြိုဆိုဂုဏ်ပြုသောအားဖြင့် ထမင်းစားပွဲကြီး တစ်ပွဲကိုတည်ခင်း ဧည့်ခံခဲ့လေသည်။ ၎င်းနောက် ဘဟီရာသည် အဗူသွာလိဘ် အား နှစ်ဦးတည်း တွေ့ဆုံပြီးမုဟမ္မဒ် အား ရှေ့ခရီးသို့ ဆက်လက်မခေါ်သွားရန်နှင့် နေရပ်သို့သာပြန်လွှတ်ရန်သတိပေး ခဲ့သည်။ ဂျူးနှင့် ရောမ လူမျိုးများက ကတိတော်လာ စေတမန်အဖြစ်မှတ်ယူပြီး အန္တရာယ် ပြုမည်ကို စိုးရိမ်သောကြောင့် ဤသို့သတိပေးခြင်း ဖြစ်သည်။ အဗူသွာလိဘ် သည် ခရစ်ရှန်ဘုန်းကြီး ဘဟီရာ ၏ သတိပေးစကားကို တစ်လေးတစ်စား ဂရုမူပြီး ကိုယ်တော်မြတ်အားမက္ကဟ် သို့ ပြန်လည်ပို့လိုက်လေတော့သည်။
ကိုယ်တော်မြတ်သည် မက္ကဟ် မြို့တွင်နေထိုင်ရင်း အရွယ်ရောက်လာသောအခါ သူ၏ လူမှုအသိုင်းအဝိုင်း(စိုဆိုင်တီ) တွင် တက်ကြွစွာ ပါဝင်လှုပ်ရှား ခဲ့ပြီး အသိုင်းအဝိုင်းအတွက် အရေးပါသည့် အချို့သော အခန်းကဏ္ဏ္ဏများတွင်လည်း ပါဝင်ခဲ့လေသည်။ အောက်တွင် ဆက်လက်ရေးသားမည့်ခေါင်းစဉ်နှစ်ခုကား ကိုယ်တော် မြတ် မိမိ၏အသိုင်းအဝိုင်းအတွက် ပါဝင်ခဲ့သည့် အရေးပါသော အခန်းကဏ္ဏ္ဏများ အနက် ထင်ရှားသောကဏ္ဏ္ဏနှစ်ခု အကြောင်းပင်ဖြစ်သည်။
ဆက်လက်ရေးသားပါဦးမည်ခင်ဗျား
လေးစားပါတယ်ခင်ဗျာ
The Sage
မွတ်စ်လင်မ့် "အသိ" 
Leave a comment